Қазақстан синоптиктері 2023 жылғы 22 желтоқсан, жұмаға арналған ауа райы болжамын ұсынды, деп хабарлайды Egemen.kz.
«Қазгидромет» РМК ақпаратына сәйкес, елордада жауын-шашын күтіледі, Алматы мен Шымкентте +11°C дейін жылы болады.
Астанада – көшпелі бұлтты, түнде аздаған жауын-шашын (жаңбыр, қар), қар жауады, тұман түседі, көктайғақ болады. Жел оңтүстік-батыстан түнде 9-14, күндіз 3-8 м/с. Ауа температурасы түнде және күндіз 0-2°С;
Алматыда көшпелі бұлт шығады, жауын-шашынсыз. Жел 0-5 м/с. Ауа температурасы түнде -5-7°C, күндіз +3+5°C;
Шымкентте – көшпелі бұлт шығады, жауын-шашынсыз, түнде және таңертең тұман түседі. Оңтүстік-шығыстан 3-8 м/с жел соғады. Ауа температурасы түнде -4-6°C, күндіз +9+11°C.
Болжам бойынша Қазақстанның батысында, солтүстігінде, шығысында атмосфералық фронтальды бөліктердің өтуімен тұрақсыз ауа райы сақталады – жауын-шашын (жаңбыр, қар) күтіледі.
Елдің қалған бөлігінде жауын-шашын күтілмейді, Қазақстанда тұман, көктайғақ, екпінді жел, солтүстікте бұрқасын болады.
Бұдан бөлек таңертең және күндіз Жамбыл облысының солтүстік-шығысында, күндіз Жетісу облысының Алакөл өңірінде 30 м/с және одан да жоғары жел соғады.