«Қазгидромет» РМК болжамы бойынша, 26 қаңтарда Қазақстанның басым бөлігінде тұрақсыз ауа райы сақталады, деп хабарлайды Egemen.kz.
Республика бойынша қар аралас жаңбыр жауады, тау және тау бөктеріндегі аймақтарда қатты жауын-шашын (жаңбыр, қар), республиканың солтүстігінде қалың қар жауады. Сондай-ақ тұман, көктайғақ, жел күшейіп, бұрқасын күтіледі.
Сонымен қатар еліміздің үш қаласында Ақтөбе, Өскемен, Риддерде ауа ластануының қолайсыз метеорологиялық жағдайы күтіледі.