Петропавлда 2 қабатты тұрғын үйдің 2-қабатындағы 70 шаршы метр аумақтан өрт шықты, деп хабарлайды Egemen.kz.
Өрт туралы хабар сағат 12:11-де түскен. Өрт 12:57-де оқшауланып, 13:11-де сөндірілді.
«Төтенше жағдайлар қызметінің күштері екі адамды құтқарып, ауруханаға жатқызды. Үш адам баспалдақпен эвакуацияланды», деп хабарлады Төтенше жағдайлар министрлігі.
Төтенше жағдайды жоюға жеке құрамның 21 адамы мен 8 техникасы жұмылдырылды.
Айта кетейік, бүгін 17 ақпанда сағат 10:40-та өрт сөндірушілер Алматыдағы барахолка қоймасындағы шақыртуға барды. Өрт сөндірушілер мұқият жұмыс істейді. Себебі қоймада газ баллондары, аэрозоль газдары, бояу және лак өнімдері сияқты жарылғыш заттар болды.
Сағат 12:28-де Алматы қаласының Төтенше жағдайлар департаменті қоймадағы өртті оқшаулап үлгерді. Нысаннан шыққан қою түтінге байланысты өрт аумағын анықтау әлі мүмкін болмады.