Азия бокс конфедерациясы (ASBC) сары құрлықтың биылғы негізгі жарыстары қай жерлерде және қай күндері өтетінін ресми түрде жария етті.
30 қараша мен 12 желтоқсан аралығында Амманда ерлер мен әйелдер арасындағы Азия чемпионатының жалауы желбірейді. Иорданияның астанасы бұған дейін аталған доданы қабылдаған. 2013 жылы (7+1+0) жерлестеріміз жалпы есепте көш бастаса, 2022 жылы (6+7+8) екінші орынды иеленді. Кейінгі жарыста жігіттермен қоса, бұрымдылар да бақ сынады. 2022 жылы 22 жасқа (U-22) дейінгі жас былғары қолғап шеберлері 25 сәуірде Астанада бас қосады. Олар тура екі апта жұдырықтасады. 21 тамызда жасөспірімдер мен мектеп оқушылары сары құрлықтың үздігі атану үшін Әбу-Дабиде айқасады. Парсы шығанағындағы бәсекелер 21 тамызда басталып, 3 қыркүйекте өз мәресіне жетеді.