Бүгін сағат 9:00-дегі жағдай бойынша ауа райының қолайсыздығына байланысты 6 облыста республикалық маңызы бар 6 автожолда көлік қозғалысына шектеу енгізілді, деп хабарлайды Egemen.kz.
«ҚазАвтоЖол» мәліметінше Түркістан облысында 1 учаскеде жүк көліктері үшін, ал өзге облыстардағы 5 жол бөлігінде көліктердің барлық түрі үшін қозғалыс шектелген.
Абай облысында 1 учаске, жалпы ұзындығы 177 км (қар, боран, жел, көріну шектеулілігі). «Омбы - Майқапшағай» - Қалбатау а - Бұғаз.
Жамбыл облысында 1 учаске, жалпы ұзындығы 79 км (қар, боран, жел, көріну шектеулілігі). «Алматы - Ташкент - Термез» - Кенен ауылы - Қайнар ауылы (қозғалыс ескі Қордай асуы арқылы жүзеге асырылады).
Жетісу облысында 1 учаске, жалпы ұзындығы 100 км (қар, боран, жел, көріну шектеулілігі). «Үшарал-Достық» - Көктұма - Достық.
Қостанай облысында 1 учаске, жалпы ұзындығы 83 км (Ұлытау облысындағы ауа райының қолайсыздығына байланысты) «Жезқазған-Петропавл» - Ұлытау облысының шекарасы - Арқалық.
Ұлытау облысында 1 учаске, жалпы ұзындығы 115 км (боран жел, көріну шектеулілігі) «Жезқазған-Петропавл» - Ұлытау кенті - Қостанай облысының шекарасы.
Түркістан облысында 1 учаске, жалпы ұзындығы 106 км (бұрқасын, көктайғақ) «Жизақ - Гагарин - Жетісай - Сарыағаш - Жібек жолы - Қызыләскер - Черняевка» (жүк көліктері үшін).