Қысы қатал Астанада қар тазалау – қыруар шаруа. Қала шаруашылығының тізгінін ұстап отырғандардың жұмысы да осы мезгілде қатты сыналады. Ал бұл үдеден шығу үшін коммуналдық қызмет саласының жұмысшылары аянбай тер төгеді.
Өткен түнде коммуналдық қызмет мамандары қаладан 37,5 мың текше метр қар шығарды. Олар тәулік бойы бірнеше ауысымда жұмыс істейді. 22 ақпан күні таңертең қар тазалау жұмыстарына 1,3 мыңнан аса арнайы техника және 2,3 мыңнан аса жол жұмысшысы жұмылдырылды.
21 ақпаннан 22 ақпанға қараған түні елордадан 34 мың текше метрден аса қар шығарылды. Бұл 2,9 мың ауыр жүк көлемінен асады. Бұған қоса, қыс басынан бері полигондарға 367 мың рейс 5 млн текше метр қар жинады.
Сонымен қатар қала тұрғындарының қауіпсіз жүруі үшін жолдарға, тротуарлар мен көшелерге құм-тұз қоспасы себіледі. Коммуналдық қызмет мамандары мұз басқан тротуарларды қол күшімен тазартып шықты.