Владимир Путин Қытайға Си Цзиньпиннің шақыруымен екі күндік ресми сапармен барды. Кремль мәліметінше, сапар қорытындысы бойынша 40-қа жуық құжатқа қол қойылады деп күтілуде, деп хабарлайды Egemen.kz
Владимир Путин 19-20 мамырдағы ресми сапары аясында ҚХР Төрағасы Си Цзиньпинмен екіжақты қатынастар мәселелерін, ынтымақтастық жолдарын және негізгі халықаралық және аймақтық мәселелерді талқылауға ниетті екендігі айтылуда.
Сапардың ресми бөлігі 20 мамырда Бейжің уақыты бойынша 11:00-де Бейжіңнің орталық алаңы Тяньаньмэньде өтеді. Сол жерде Си Цзиньпинмен кездесу рәсімі басталады.