Бүгін түнде отандасымыз Бекзат Алмахан UFC аясында алғашқы жекпе-жегін UFC Vegas 87 турнирінде ресейлік Умар Нурмагомедовке қарсы өткізеді, деп жазады Egemen.kz.
Бекзат Алмахан UFC алаңында алғашқы жекпе-жегінде басты бәсекеде шығатын алғашқы қазақ спортшысы атанып отыр.
Ол бұған дейін аралас жекпе-жекте 17-1 есебін тіркеген. Ал оның қарсыласы 16 жекпе-жектің барлығына жеңіспен нүкте қойған.
Ел спортшысы өнер көрсететін UFC Vegas 87 турнирі Лас-Вегаста өтеді. Турнирдің басталу уақыты - 23:30. Ал негізгі кард шамамен 02:00-де басталады деп болжанған.
Жекпе-жекті Қазақстан аумағында SetantaSports.com және UFC Fight Pass платформалары арқылы тамашалауға болады.