Қостанай облысы Полиция департаментінің 40 қызметкері су басып жатқан Торғай өңіріне көмекке аттанды, деп жазады Egemen.kz.
«Су тасқыны болып жатқан аудандарға полицияның арнайы шұғыл іс-қимыл жасағының, арнайы және мобилді дайындық басқармасының, сондай-ақ жергілікті полицияның 40 қызметкері, 7 техника, 2 қайық жіберілді. Көмекке кеткен полицейлер тұрғындарды эвакуациялап, олардың мүлкін тонаудан қорғауды қамтамасыз ететін болады. Жағдай ушығып бара жатса, резервте дайын тұрған ПД аппаратының қызметкерлері мен 66/97 ӘБ әскери қызметшілері де су басып жатқан аудандарға аттанады», деп хабарлады облыстық ПД-нің баспасөз қызметі.
Қазір Амангелді ауданындағы құтқару күштерінің құрамында полицияның 15 қызметтік көлігі мен 45 қызметкері жұмыс істеп жатыр.