Еріген қар суы ағынынан Қобда өзенінің деңгейі көтерілді. Су жасанды бөгет арқылы ағып, Қоғалы елді мекенін су басу қаупі туындады, деп хабарлайды Egemen.kz.
Төтенше жағдайлар министрлігі мәлімдегендей, авариялық-құтқару және эвакуациялық жұмыстарды жүргізу мақсатында тікұшақ ұшырылып, құтқаршылар және ЖАО күшімен 68 адам, оның ішінде 39 бала қауіпсіз аумаққа көшірілді.