«Қазгидромет» РМК алдағы аптада еліміздің бірнеше өңірінде жауын-шашын болатынын ескертті, деп жазады Egemen.kz
Синоптиктердің мәліметінше, 20-26 сәуір аралығында Қазақстанның басым бөлігінде ауа райы құбылмалы болады әрі жауын-шашын күтіледі.
«Аптаның басында және ортасында Шығыс Қазақстан облысында жаңбыр жаууы ықтимал. Аптаның соңында Қазақстанның солтүстік-батысында, солтүстігінде, орталығында, Абай облысында түнде қар аралас жаңбыр жауады. 23, 25 сәуір күндері Жамбыл облысында, 26 сәуірде Түркістан, Алматы, Жетісу облыстарында нөсер жауын болуы ықтимал», делінген «Қазгидромет» РМК хабарламасында.