«Қазгидромет» РМК болжамына сәйкес, бүгін, 16 мамырда Қазақстан Республикасы аумағының басым бөлігінде жаңбыр жауып, найзағай ойнайды, деп хабарлайды Egemen.kz.
Синоптиктер елдің оңтүстік-шығысында және шығысында нөсер жаңбыр мен бұршақ жауады деп болжап отыр. Тек солтүстікте жауын-шашынсыз ауа райы күтіледі. Республика бойынша жел күшейеді, түнде және таңертең солтүстік-батыста, республика орталығында тұман түседі.
Жетісу облысында, Алакөл көлдері аймағында кей жерлерде жел 30 м/с дейін жетеді.
Түнде Павлодардың солтүстігінде, Қостанай, Ақмола, Солтүстік Қазақстан облыстарының солтүстігі мен шығысында 2-3 градус үсік жүреді.
Қарағандының оңтүстігінде, Ұлытау облысының орталығында, Абай облысының оңтүстігінде, Ақтөбе, Қостанай облыстарының оңтүстігінде, Атырау облысының солтүстік-батысында, Шығыс Қазақстанның оңтүстік-шығысында, солтүстігінде, оңтүстігінде, орталығында Қызылорда, Батыс Қазақстан облыстарының батысында, оңтүстік-батысында, Жетісу облысының шығысында жоғары өрт қаупі сақталады, Түркістан облысының шөлді аймақтарында, Абай облысының Үржар ауданында өте жоғары өрт қаупі сақталады.