Қостанайдан Алматыға бағыт алған FlyArystan әуекомпаниясы ұшағында ер адам өзін нашар сезіне бастаған. Осыған байланысты ұшақтың Астана әуежайына шұғыл қонуына тура келген, деп хабарлайды Egemen.kz.
Әуекомпанияның хабарламасында: «Командирдің шешімі бойынша ұшақ жолаушыға медициналық көмек көрсету үшін Астана қаласы әуежайына шұғыл қонды. Стюардессалар әуежайға келгенге дейін жүрек-өкпе реанимациясын жалғастырды. Өкінішке қарай, Астана әуежайы дәрігері жолаушының қайтыс болғанын айтты. Әуекомпания жолаушының туыстары мен жақындарына шын жүректен көңіл айтады», делінген.