Ұлтымыздың күш-қайраты мен бірлік-берекесінің мекені болған киелі Ұлытауда туып, жер жәннаты Жетісудың төріндегі аспанмен астасқан Алатаудың асқаралы биіктерін бағындырған, бүкіл ұлттың саулығын кең тармақты саясат деңгейіне көтерген, табиғаты таза, болмысы тарлан қайран Төр-аға – Төрегелді Шарманұлы!
Қанына сіңген қазақтың қайраткерлігі мен кеңдігі, Алаш арыстары аманаттаған азаматтығы сонау «Азамат» партиясының қатарында ол кісімен иық тіресе елдік жолында тер төккен күндерімізде де айқын көрінген еді.
Қанша жасқа келсе де таусылмаған, қазынасы ортаймаған, кездескенде көкірек кеудеңді ашып, сөйлесе қалса, сусыныңды қандырып, жүздескенде жаныңды жадыратқан қайран дария аға мәңгілік сапарына озды.
Жанының жайсаңдығын, жүрегінің жазиралығын, жүзінің жылылығын ұмытпаймыз.
Марқұмның алды – өзіне, соңы – еліне жарық болсын!
Мұрат ӘУЕЗ,
қоғам қайраткері, мәдениеттанушы