Елімізде автобус жүргізушілерін рейс алдында медициналық тексеруден өткізудің автоматтандырылған жүйесі іске қосылды, деп хабарлайды Egemen.kz Көлік министрлігіне сілтеме жасап.
Аталған жүйе қан қысымын, жүрек соғу жиілігін, температураны өлшеу үрдісін автоматтандыруға бағытталып, қоғамдық көлікті есірткілік немесе алкогольдік мас күйінде басқарудың алдын алады.
«Жүргізушілерге арналған кешенді рейс алдында және рейстен кейін медициналық тексеруден өткізумен айналысатын ұйым ұсынады», делінген хабарламада.
Қазіргі уақытта жеке инвестициялар есебінен сатып алынған автоматтандырылған жүйе Павлодар қаласында №1 автобус паркінде істеп тұр.