АСТАНА. 26 сәуір. Орталық сайлау комиссиясының өткен мүшесі Ләззат Сүлеймен арнайы брифинг өткізіп, дауыс берудің алғашқы нәтижелерін мәлім етті. Бұл туралы egemen.kz тілшісі хабарлады.
Ләззат Сүлеймен: «Сіздерге Орталық сайлау комиссиясының Қазақстан Республикасы Президентін сайлауда сағат 10.00-ға сайлаушылардың дауыс беруге келуі туралы мәліметті бермекпіз. Облыстардың, Астана және Алматы қалаларының сайлау комиссияларының ұсынған мәліметтеріне сәйкес, 26 сәуірдегі сағат 10-00-дегі жағдай бойынша тізімге енгізілген сайлаушылардың 19,17 пайызы сайлау бюллетенін алды», – деді.
Оның айтуынша, Ақмола облысы бойынша – 23,48, Ақтөбе облысы бойынша – 16,8, Алматы облысы бойынша – 26,10, Атырау облысы бойынша – 11,13, Шығыс Қазақстан облысы бойынша – 27,31, Жамбыл облысы бойынша – 21,69, Батыс Қазақстан облысы бойынша – 12,11, Қарағанды облысы бойынша – 21,6, Қызылорда облысы бойынша – 22,03, Қостанай облысы бойынша – 27,61, Маңғыстау облысы бойынша – 16,92, Павлодар облысы бойынша – 21,32, Солтүстік Қазақстан облысы бойынша – 26,45, Оңтүстік Қазақастан облысы бойынша –13,89, Астана қаласы бойынша – 12,92, ал Алматы қаласы бойынша – 8,33 пайызды құраған.
Еске сала кетейік, дауыс беру 9 741 сайлау учаскесінде жүріп жатыр. Сайлау учаскелерінен келіп түскен мәліметтерге қарағанда сайлаушылардың белсенділігі өте жоғары.
Жолдыбай Базар.
Дерек: egemen.kz.
Сурет: «24kz».