Қатар Әмірі шейх Тәмим бен Хамад Әл Тәни ШЫҰ саммитіне қатысу үшін Астанаға келіп жетті. Мәртебелі қонақты ҚР Премьер-министрі Олжас Бектенов қарсы алды, деп хабарлайды Egemen.kz ҚР Үкіметінің баспасөз қызметіне сілтеме жасап.
Қатар мемлекеті ШЫҰ-ның диалогтық серіктесі мәртебесіне ие. Тиісті меморандумға 2022 жылы Ташкентте қол қойылған.
Еске сала кетейік, өткен жылы Қазақстан мен Қатар арасында дипломатиялық қарым-қатынастың орнағанына 30 жыл толған еді.
Қатар - Қазақстан Республикасының араб әлеміндегі маңызды саяси және экономикалық серіктесі.