Қазақстан теннисшісі, әлемнің 52-ракеткасы Анна Данилина Уимблдон турнирінің екінші айналымына шықты, деп хабарлайды Egemen.kz.
Отандасымыз жұптық сында бақ сынады.
Анна Данилина мен Қытай өкілі Сюй Ифань Польша өкілдері Магдалена Френх пен Катажина Кавамен жасыл алаңға шықты.
2 сағат 41 минутқа созылған тартысты ойында Анна Данилина мен Сюй Ифань 2 эйс, 3 брейкпен (9 брейк-пойнт) көзге түсті. Польша жұбы 1 эйс жасап, 7 брейк-пойнттың үшеуін пайдалана алды.
Қазақстан теннисшісі мен Қытай спортшысының 1/16 финалдағы қарсыластары кейін анықталады.