Үкімет қаулысымен Айжан Серікбайқызы Есмағамбетова Денсаулық сақтау вице-министрі қызметінен босатылды, деп хабарлайды Egemen.kz Үкіметтің баспасөз қызметіне сілтеме жасап.
«Қазақстан Республикасы Үкіметінің қаулысымен Айжан Есмағамбетова басқа жұмысқа ауысуына байланысты Денсаулық сақтау вице-министрі — Бас мемлекеттік санитарлық дәрігері қызметінен босатылды», делінген хабарламада.
Еске салайық, бұған дейін Ардақ Амангелдіұлы Денсаулық сақтау вице-министрі қызметіне тағайындалғанын хабарлаған едік.