Республикалық партия Дональд Трампты АҚШ президенттігіне кандидат ретінде ұсынды. Ал вице-президент лауазымынан сенатор Джеймс Дэвид Вэнс үмітті, деп хабарлайды Egemen.kz Еuronews-ке сілтеме жасап.
Жақында өзіне жасалған қастандықтан кейін Дональд Трамп делегаттардың 2400 дауысының жартысынан көбін жинады.
Бұған дейін Трамп Огайо штатының республикалық сенаторы Джеймс Дэвид Вэнсті АҚШ вице-президенттігіне кандидат етіп ұсынғаны белгілі болған еді.
Айта кетейік, АҚШ Республикалық партиясының ұлттық съезі Трампқа жасалған қастандықтан кейін жұмысын бастады.