«Tesla» адам тәрізді роботтардың жаппай өндірісін бастамақ. Олар қорап тасып, гүлдерді суара алады. Қазір зауытта сынақ режімінде жұмыс істеп жатыр.
Бұл туралы Илон Маск әлеуметтік желі парақшасында хабарлады. Оның айтуынша, жаппай өндіріс 2026 жылы қолға алынады. Әр құлтемір шамамен 20 мың доллардан сатылады. Негізі «Tesla» осыдан 2 жыл бұрын «Оптимус» деп аталатын адам тәрізді роботтың прототипін көпшілікке таныстырған еді. «Жасанды интеллектінің көмегімен жұмыс істейтін осындай құлтемірлер болашақта маман тапшылығы мәселесін түбегейлі шешеді», дейді Илон Маск.
