Алматы қаласындағы ӘОСК базасында дзюдодан Қорғаныс министрінің кубогіне арналған дәртүрлі жарыс өтті. Турнирге еліміздің бірқатар облысынан және үш күштік құрылымынан, атап айтқанда, Ұлттық ұлан, Қорғаныс министрлігі және ҰҚК ШҚ, барлығы 130-дан астам спортшы қатысты.
Татамидегі жекпе-жек салмақ дәрежесінде 60, 66, 73, 81, 90, 100 келіге дейінгі санатта «Батыс» өңірлік қолбасшылығына қарасты 6656 әскери бөлімінің қатардағы жауынгері Бауыржан Нарбаев жеңіске жетті.
– Бұл жарыс мен үшін үлкен сынақ болды және өз дағдыларымды көрсетуге үлкен мүмкіндік берді. Ұлттық ұланның Бас қолбасшысы генерал-лейтенант Еркін Ботақановқа әскери жасақты өткен турнирде қалдыруға мүмкіндік бергені үшін алғысымды білдіргім келеді, – дейді жеңімпаз.
90 келіге дейінгі санатта 5573 әскери бөлімнің қатардағы жауынгері Мәди Амангелді екінші орынды, ал 100 келіден жоғары салмақ дәрежесінде 5573 әскери бөлімнің қатардағы жауынгері Санжар Жабборов үшінші орынды иеленді.
– Біз бұл жарысқа ұзақ және тыңғылықты дайындалдық. Біздің қарсыластарымыз да өз шеберліктерін көрсетті. Бұл бәсеке менің одан әрі шыңдалуыма және бар күшімді салуға дем берді, – дейді С.Жабборов.
Жарыс қатысушыларының жоғары дайындық деңгейін көрсеткен жарыстың жалпыкомандалық есебінде Ұлттық ұланның дзюдошылары екінші орынға ие болды. Турнирдің жеңімпаздары мен жүлдегерлері медальдармен, дипломдармен және бағалы сыйлықтармен марапатталды. Сондай-ақ жарысты ұйымдастыруға және өткізуге зор көмек көрсеткен жандар да Алғысхат иеленді.