Бүгін қазақтың тұңғыш дикторы Мина Сейітованың туған күні, деп хабарлайды Egemen.kz.
Ұлттық үнжарғысы – Қазақ радиосында жылдар бойы халыққа қызмет етіп, оған тағдырын байлаған жандар қаншама. Солардың бірі – Қазақ радиосының ардагері, қазақтың тұңғыш дикторы Мина Сейітова.
Мина Сейітова 1919 жылы 25 тамызда дүниеге келген. Ол Қазақ радиосының табалдырығын алғаш аттаған кезде небәрі 15 жаста болды. Содан бастап, 44 жыл микрофон алдында қызмет етіп, талай дикторға, сонымен қатар, Бибігүл Төлегенова, Ермек Серкебаев, Мұқағали Мақатаев сынды ұлттық мәдениеттің марқасқаларына ұстаз болған.
ІІ Дүниежүзілік соғыс кезінде ақпарат бюросының барлық ақпараты Мәскеуде Левитанның үнімен тарап жатса, қазақ даласына ол Мина Сейітованың дауысымен жеткен.