Ертең Испанияда басталатын 20 жасқа дейінгілер арасындағы әлем чемпионаты бойынша грек-рим күресінен Қазақстан спортшыларының қарсыластары анықталды, деп хабарлайды Egemen.kz.
Қазақ балуандарының қарсыластары:
55 келіде Айбек Айтбеков бірінші айналымда испаниялық Арто Кастаномен белдеспек.
Бағдат Сабақ (63 келі) жарысты екінші айналымнан бастайды, ол Үндістан-Армения балуандары белдесуінің жеңімпазымен ширек финал үшін күреседі.
77 келіде Диас Сейітқалиев алғашқы белдесуінде армениялық Х.Геворгянмен кездеседі.
Темірлан Тұрдақын (87 келі) Қытай-Түркия балуандары арасында жеңіске жеткен балуанмен белдеседі.