Алматы облысы, Ұйғыр ауданындағы Үлкен Ақсу ауылдық округінде сібір жарасын жұқтыруы мүмкін деп танылған 4 адам тіркелді. Осыған байланысты ауылда уақытша ветеринарлық-санитарлық шектеу енгізілді, деп жазады Egemen.kz.
Ауыл әкімдігі сібір жарасы бір адамнан екінші адамға жұқпайтындықтан карантин жарияланбағанын ескертті.
«Осыған байланысты Ұйғыр ауданында ветеринарлық-санитарлық уақытша шектеу шаралары енгізілді. Карантин жарияланған жоқ», делінген облыстық әкімдік хабарламасында.
Айта кетейік, инфекция таралуының алдын алу үшін мал мен ауылшаруашылық жануарлардан алынатын өнімдерді экспорттауға да шектеу қойылған.