Алматыда Әуезов ауданында 7 қыркүйекте түнде жеке тұрғын үй отқа оранды, деп хабарлайды Egemen.kz.
ҚР ТЖМ баспасөз қызметінің мәліметінше, зардап шеккендер жоқ, бірақ нысанды оттан аман алып қалу мүмкін болмады, үй түгелімен жанып кетті.
-ТЖМ күштерімен 120 шаршы алаңды қамтыған өрт сөндірілді.
Қабылданған шаралардың арқасында өрттің жақын маңдағы нысандарға таралуына жол берілмеді, - делінген төтеншеліктер хабарламасында.
ТЖМ азаматтарды тұрмыстағы өрт қауіпсіздігі ережелерін сақтауға шақырады.
