Ақтаудағы "Оймаша" полигонынында бетінен оқ тиіп, қаза тапқан қатардағы жауынгер Марат Барқұловтың әпкесі бауыры туралы жазба жариялады, деп хабарлайды Egemen.kz.
Әпкесі әлеуметтік желіде әсерлі жазба жариялап, марқұм жауынгермен егіз болғандарын айтты.
- Кішкентай інім қызметке кетіп, қайтып оралмады. Менің егізім, біз көптен бері бір-бірімізді көрмедік, бірақ әрқашан қорғаушым бар екенін білдім, егер біреу мені ренжітсе, әрқашан қорғап қалатын. Қолынан келгенше мені қорғады, менің 1 әпкем, 1 қарындасым бар дейтін. Мен қазір не болып жатқанын түсінеймін, бірақ сенің тыныш жатуың үшін әділеттің салтанат құруына қандай да бір үлесімді қосқым келеді. Барлығын осы іс бойынша ақпарат таратуды сұраймын. #ЗаМаратика хэштегімен сторис, пост, видео жариялайық, – дейді марқұмның әпкесі.
Ол Мараттың кездейсоқ оқ тигеніне сенбейтінін және қылмыс жасаған адамның жазадан құтылып кетеді деп қорқатынын жеткізді.
Желідегі видео 900 мыңнан астам қаралым жинаған.