Алматының Әуезов ауданында 18 жастағы жасөспірім көпқабатты үйден секіріп, қайтыс болды, деп хабарлайды Egemen.kz.
«Бұл факті бойынша Әуезов аудандық ішкі істер бөліміне қарасты полиция бөлімі қылмыстық іс қозғады. Оқиғаның себебі мен мән-жайы анықталып жатыр», деп түсіндірді қалалық полиция департаментінің баспасөз қызметі.
Айта кетейік, бұл соңғы екі аптада Алматыда өз-өзіне қол жұмсау бойынша тіркелген бірінші жағдай емес. Бұған дейін Ұлттық қауіпсіздік комитетінің Шекара академиясының 3-курс курсанты көпқабатты үйден секіріп, мерт болған еді.