Елордалық труппа – Аспендос сахнасында

Өнер мерекесі, шама­мен екі мың жыл бұ­рын салынған ежелгі амфитеатрдың сахнасында өтті. Өнер ұжымы көрерменге «Кар­мен-сюита» (Альберто Алонсо хореографиясы) және «A Fuego Lento»/ «Баяу от» (Рикардо Амаранте хореографиясы) бір актілі балеттерін ұсынды. Кар­меннің оқиғасы суреттелген қойы­лым мен танго ырғағындағы биіне тәнті болған келушілер ыстық ықыласын біл­дірді. Бекзат өнердің көрермені әртістердің кәсібилігі мен техни­калық шеберлігін ғана емес, сонымен қатар өнерге адал­дығы мен сезімді жеткізе ала­тын қабілеті үшін де жоғары бағалады.

Спектакльдерге театрдың же­тек­ші солистері Қаламқас Орын­басарова, Сүндет Сұлтанов, Уэсли Карвальо, басқалар қатысты.

Айта кетейік, «Астана балет» театры Түркияда өткізілетін танымал фестивальдарға екінші рет шақырылып отыр. Бодрум фес­тивалінде астаналық әртіс­тердің өнеріне тәнті болған ұйым­дасты­рушылар балет ұжымын Аспендос фестиваліне де арнайы шақырған.

Сарапшылардың айтуынша, бұл өнер додасы әлемдегі үздік ондыққа кіреді. Түркия Рес­пуб­ликасының Мәдениет және туризм министрі Мехмет Нұри Ерсой атап өткендей, өнер, тарих және табиғат тоғысқан осы белді фестиваль антикалық театр­дың ғажап бір атмосферасында өтіп, әлемнің түкпір-түкпіріндегі өнерсүйер қауымның назарын аударта алды. Иә, фестивальда мәң­гі­лік өнер тарихпен қауышып, тылсым өнердің құдіретін паш етеді.

Мемлекеттік опера және балет театрының бас директоры әрі көркемдік жетекшісі, ұйымдас­ты­рушылардың бірі B.Тан Сақ­түрік­­тің айтуынша, фестиваль бағдар­ламасына енген туындылар өнердің бірегей тілінде сөйлеп, тарих пен қ­азіргі заманды байланыстырып тұр.

Сәтін салғандай жексенбі күні өнер көрсеткен астаналық әртіс­терді тамашалауға барған кө­рер­мен залға лық толды. «Астана ба­леттің» қойылымына арналған үш мың билет бірден сатылып кеткен. Демек Карменнің қасіретті оқи­ғасын суреттеудің шеберлігі мен тангоның өзіндік ырғағы кө­рер­мен көкейінен шыққаны анық.

Аспендостағы көне театрға үш мыңға жуық көрермен сыяды. Айта кетерлігі, Еуропа мен Сол­түстік Аф­ри­кадағы бас­қа ежел­гі құры­лыс­тармен салыс­тыр­ғанда жақсы сақталған.