eGov.kz сайтында жаңа қызмет пайда болды. Енді ел азаматтары ипотекалық несие бойынша бастапқы жарнаның бір бөлігін жабу үшін тұрғын үй сертификатын электронды үкімет порталы арқылы ала алады, деп хабарлайды Egemen.kz.
«Ипотекалық тұрғын үй несиесі бойынша бастапқы жарнаның бір бөлігін жабу үшін тұрғын үй сертификаты баспанаға мұқтаж және табысы жеткіліксіз отбасыларға беріледі», деп хабарлады eGov.kz.
Бұл сертификат Ұлттық банк бекіткен ипотекалық бағдарлама немесе мемлекеттік тұрғын үй құрылысы бағдарламасы бойынша тұрғын үй сатып алынған жағдайда беріледі. Бұл ретте тұрғын үй сертификаттарын алушылардың мөлшерi мен санаттарының тiзбесiн жергiлiктi атқарушы органдар айқындайды.
«Тұрғын үй анықтамасы әлеуметтік көмек ретінде мынадай жағдайларда беріледі: өтініш берушінің және онымен тұрақты тұратын отбасы мүшелерінің (зайыбының және кәмелетке толмаған балаларының) соңғы 6 айдағы орташа табысы еңбек және/немесе белгіленген шектен аспайтын болса, 23 жасқа дейінгі білім беру мекемелерінде күндізгі оқу нысаны бойынша оқитын балалары кіреді», делінген хабарламада.
Тұрғын үй сертификатын алу үшін:
eGov.kz порталына кіріп, «Жылжымайтын мүлік – тұрғын үй қатынастары» бөліміне өтіңіз; Тізімнен «Тұрғын үй сертификаттарын беру» тармағын таңдап, қажетті жолдарды толтырыңыз. Өтінімге цифрлық қолтаңба арқылы қол қойыңыз.