Мәдениет және ақпарат министрлігі Дін істері комитетінің арнайы жобасы аясында Атырауда жастар арасында дәстүрлі рухани-адамгершілік құндылықтарды қалыптастыру және діни экстремизмнің алдын алу бағытында семинарлар мен әртүрлі форматтағы іс-шаралар өткізді, деп жазады Egemen.kz.
Іс-шаралар Атырау облысы дін істері басқармасының қолдауымен, бекітілген жоспар бойынша 14-18 қазан күндері өтті.
Іс-шараға теолог, дінтанушылар Сариев Сұлтангелді Серікұлы – Атырау облысы, «Шапағат» ДДА жапа шеккендерге көмек орталығы» ҚҚ теолог маманы, Алпысбаева Назым Сейтханқызы – «Қарағанды облысы, конфессияаралық проблемаларын зерттеу және талдау орталығының» психолог маманы, Шопанова Бақытгүл Мақсотқызы – Маңғыстау облысы, Дін істері басқармасы «Діни бірлестіктермен байланыс және діни экстремизмге қарсы насихат жұмыстарын ұйымдастыру» бөлімінің басшысы, Өтеген Өсер Өтегенұлы – Республикалық ақпараттық түсіндірме тобының мүшесі, қоғам белсендісі, заңгер қатысты.
Іс-шараларды ұйымдастыру барысында, Атырау қаласы, Махамбет, Исатай, Доссор және Мақат аудандарының колледж және университет студенттерімен, спорт мектептерінің спортшылары мен жаттықтырушыларымен, жастар ресурстық орталығының жас мамандары мен қызметкерлері «Зайырлы мемлекет: заң, ұғым және қағидаттар», «Жастар арасында рухани құндылықтарды түсіндіру және діни сауаттылықты арттыру», «Теріс діни ағымдардың қоғамға қауіптілігі», және т.б. тақырыптар аясында дәріс тыңдады.