Парижде өткен iGEM халықаралық байқауында Назарбаев Университеті (NU) студенттерінің жобасы «Онкология саласындағы үздік жоба» атанды, деп жазады Egemen.kz.
International Genetically Engineered Machine халықаралық синтетикалық биология байқауында әлемнің түкпір-түкпірінен келген студенттер инновациялық жобаларын ұсынады.
NU студенттер командасы 11 ай бойы сүт безінің карциномасына арналған мақсатты бактериотерапияның инновациялық әдісі — Sanagel бойынша жұмыс істеген.
«Жүйе қатерлі ісікке қарсы пептидті жасау үшін генетикалық түрлендірілген ішек таяқшасы патогенді емес штаммдарынан тұрады. Ол ісік жасушаларының жасушалық мембраналарын таңдамалы түрде байланыстырады және тері тесіктерін қалыптастырады. Қауіпсіздікті бақылаудың жоғары деңгейін қамтамасыз ету үшін біз өзін-өзі жою механизмін де енгіздік», деді биология факультетінің үшінші курс студенті, iGEM NU командасының мүшесі Темірлан Қаратай.
Халықаралық ғылым бәйгесінде Гарвард, Оксфорд және MIT сияқты әлемдік беделді университеттер мен 50-ден астам елден келген оқу орындарының 437 командасы бақ сынаған.
Онкология саласындағы үздік жоба сыйлығынан бөлек, ел студенттері «Үздік құрал-жабдық» жүлдесін де жеңіп алды.