ҚР Оқу-ағарту министрлігінің «Өркен» ҰҒПБМ мектеп оқушыларына арналған «Қауіпсіз интернет» республикалық байқауын жариялады, деп хабарлайды Egemen.kz министрліктің баспасөз қызметіне сілтеме жасап.
Айта кетейік, байқауға өтінімдер мен бейнероликтер осы жылдың 25 қарашасына дейін қабылданады.
Байқау аяқталғаннан кейін қатысушылардың жұмыстарын сараптама комиссиясы бағалайды. Байқау жеңімпаздары желтоқсан айында жарияланады және интернетке қауіпсіз орта қалыптастыруға қосқан үлестерін растайтын дипломдармен марапатталады.
«Өркен» ҰҒПБМ сайтынан (https://orken-instituty.kz/ru/pedagogam/konkursy) байқаудың толық ережелерімен танысып, өтінім беру үшін қосымша ақпарат алуға болады.