Бразилияда өткен шахматтан әлем чемпионатында Астана қаласының №70 мектеп-лицейінің 10-сынып оқушысы Аңсат Алдияр күміс медальға қол жеткізді, деп хабарлады Egemen.kz Астана қаласы Білім басқармасына сілтеме жасап.
Өткен жылы Алдияр осы чемпионатқа алғаш рет қатысып, қола медаль алған еді. Биыл алпыстан астам мемлекеттің 93 жасөспірім шахматшылары ішінен алға шығып күміс медальді елдің қоржынына салып, еліміздің көк туын желбіретті.