Астанадағы Мәңгілік ел даңғылында жолаушылар автобусы өртенді, деп хабарлайды Egemen.kz.
ТЖМ баспасөз қызметінің мәліметінше, оқиғаның мән-жайы анықталуда. Зардап шеккендер туралы 112-ге ақпарат түскен жоқ.
- №54 бағыттағы автобустың жануы туралы хабарлама келіп түсті. Өрт сөндірушілер шақырту орнына сағат 18:54-те келіп жетті. Автобустың ашық отпен қозғалтқышы жанды. Жалын сағат 18:56-да оқшауланып, 19:04-те толығымен сөндірілді. Зардап шеккендер жоқ, - деді ТЖМ.