Мереке қарсаңындағы марапат

Жастарды отан­сүй­гіштікке, ең­бе­к­қорлыққа тәр­бие­леу, қоғамдық-саяси, мәде­ни, экономикалық өмірге деген бел­сенділігін арттыру, дарынды жастарға қолдау көрсетуді мұ­рат тұтқан байқауға 50-ден аса өтініш түскен екен, олардың 10-ы сыйлық иегері атанды. Байқауға қаты­сушыларды   Жезқазған қаласының  әкімі Қ.Шайжанов құттықтады.

«Әр салада еңбек ететін жастардың арасынан үздіктерін анықтап, оларды басқаларға үлгі ету керек. Мағжан атамыз айт­қандай, жастарға сеніп, олардың еңбектеріне лайықты бағасын бере білген абзал», деді Қайрат Абдоллаұлы.

Жас мұғалима  Фариза Тө­легенова – «Үздік жас ұстаз»,  Жезқазған қаласының маман­дан­ды­рылған олимпиа­да­лық резервтегі балалар мен жасөс­пі­рімдер мектебінің бокстан оқытушы-жаттықтырушы Айдар Сайдалин – «Үздік жас спортшы», Динара Сағындықова – «Үздік жас кәсіп­кер», Жезқазған қаласының Ме­дицина орталығының дә­рігер-кардиологі Еркеназ  Жаңабай – «Үздік жас медицина қызметкері», Ө.Байқоңыров атындағы Жезқазған уни­вер-

­ситетінің студенті, «Үздік 100 студент» республикалық байқауының жеңімпазы, қала белсендісі Инабат Мұханбедияр – «Үздік студент», сотқа дейін­гі тергеп-тексерудің және қыл­мыстық қудалау заңдылығын қадағалау басқармасындағы Ұлытау облысы прокурорының көмекшісі Наурызбай Есіркеп – «Үздік жас құқық қорғау қыз­меткері», «Халықтар достығы мен мәдениеті» үйінің қоюшы-операторы Данияр Ульянов – «Үздік жас мәдениет қызметкері», Айшолпан Рахмет – «Үздік жас во­лонтер», Жезқазған кен ба­йыту фабрикасының шаң тұт­қыш қондырғылары және аспи­рациялық желі телімінің  слесарь-жөндеушісі  Қанат Мусин «Үздік жас өндіріс қызметкері» атанды. Олардың бәріне 200 мың теңге мөлшеріндегі ақшалай сыйлық табысталды.

Жезқазған