Жуырда қамауға алынған ерікті Перизат Қайраттың анасы Ғайни Алашбаева ұрлық туралы іс бойынша күдікті деп танылды, деп хабарлайды Egemen.kz.
Бұл туралы журналист Михаил Козачков өзінің Telegram-арнасында жазды.
«Алашбаева ұрлық туралы іс бойынша күдікті деп танылды», делінген хабарламада.
Тергеушілердің пікірінше, ол қызына зардап шеккен өңірлерге көмек көрсету үшін көктемгі су тасқыны кезінде жинаған ақшаны қолма-қол ақшаға айналдыруға белсенді көмектескен.
Естеріңізге салайық, Перизат Қайрат биылғы су тасқынынан зардап шеккендер үшін жиналған 1,5 млрд-тан астам қаржыны ұрлады деп айыпталған.
