АҚШ-тың 39-шы Президенті, Бейбітшілік саласындағы Нобель сыйлығының лауреаты Джимми Картер 100 жасында қайтыс болды, деп хабарлайды Egemen.kz BBC News арнасына сілтеме жасап.
Джимми Картер – АҚШ әскери-теңіз күштерінің офицері, Джорджия штатының сенаторы және штат губернаторы болған. 1976 жылы Демократиялық партия АҚШ президенті сайлауына оның кандидатурасын ұсынған. Ол сайлауда республикашыл Джеральд Фордтан озды. Джимми Картер 1977-1981 жылдар аралығында мемлекетті басқарды.
BBC мәліметінше, оның аты-жөні – Джеймс Эрл Картер. Ол тарихқа өзін «көшедегідей» Джимми деп атауды өтінген мемлекеттік тұлға ретінде енген.
«Мен жай ғана фермермін. Мен осыған үйренгенмін», деген еді Картер.