Ақмола облысындағы тасжолда 40-қа жуық көлік соқтығысты, деп хабарлайды Egemen.kz.
Ақпаратты облыстық Полиция департаментінің баспасөз қызметі растады.
«Сағат 13:30-да Ақмола облысында Біржан сал ауданының Қоғам мен Қаратал ауылы арасында ауа райының нашарлауына байланысты (боран, көру мүмкіндігінің шектелуі) 40-қа жуық көлік соқтығысты. Қаза тапқандар мен зардап шеккендер туралы әзірше ақпарат жоқ», деп хабарлады ведомство.
Оқиға орнында полиция жұмыс істеп жатыр.
«Жүргізушілерді ауа райы жағдайын ескеріп, жолда өте сақ болуға және жағдай жақсармайынша бұл бағытта жүрмеуге шақырамыз», деп хабарлады департамент.
Астана-Щучинск тасжолы ауа райына байланысты сағат 12:00-ден бастап жабылды.