Шығыс Қазақстан облысынан 7 қаңтарда түнгі уақытта Ресейге бағыт алған автобус Шемонаиха ауданының тұсында сынып қалған, деп хабарлайды Egemen.kz.
Қоғамдық көлікте 46 адам болған, оның ішінде кәмелетке толмағандар да бар. Суықтан тоңған жолаушылардың бірі 102 арнасына қоңырау шалған.
«Жедел келген полицейлер барлық адамды Шемонаиха қаласындағы колледжге эвакуациялады. Олар сол жерде жылынып, демалуға мүмкіндік алды. Белгілі болғандай, автобустың генераторы істен шыққан», деп хабарланды ШҚО полиция департаментінен.
Қазіргі уақытта автобус жөнделіп, жолаушылар сапарларын қайта жалғастырды.