Қызылорда облысында мұнай өнімдерін ұрлаумен айналысқан қылмыстық топ қолға түсті, деп жазады Egemen.kz.
Қылмыстық схемаға өндіріс нысанының қызметкерлері мен күзетшілері де тартылғаны белгілі болды.
20-дан астам тінту шаралары кезінде күдіктілерден 25 тоннадан астам ұрланған мұнай өнімдері тәркіленген.
«Қылмыстық топ кәсіпорынға 200 миллион теңгеден астам шығын келтірген. Полицияға 12 адам жеткізілді, оның 9-ы уақытша ұстау изоляторына қамалды. Облыстық Полиция департаментінің тергеу басқармасы мұнай өнімдерін ұрлау және тиісті құжаттарсыз тасымалдау фактілері бойынша тергеу жүргізіп жатыр», деді ІІМ ұйымдасқан қылмысқа қарсы күрес департаментінің өкілі Қуандық Алпыс.