Бұл мәселені шешуге облыс әкімдігі мен «Қазақмыс» корпорациясы» ЖШС арасындағы Меморандумның да шапағаты тие бастады, деп хабарлайды Egemen.kz.
Кеншілер қаласындағы 320 орындық «Ақбота» балабақшасы 1994 жылы пайдалануға берілген еді. Төбеден су аққан, еденнен жел уілдеген күндер енді кейін қалды. «Қазақмыс» 967 млн теңге бөліп, жөндеуден соң жайнатып жіберді. Мұнда корпорация тек ғимаратқа жөндеу жұмыстарын ғана жүргізіп қойған жоқ, балабақшаға монтессори, тұз шахтасы мен денешынықтыру және музыка бөлмелерін тарту етті. Балабақшаның бүкіл жабдықтарын да жаңалап берді.
«Ақботаның» балаларға есігін қайтадан айқара ашқан салтанатына Сәтбаев қаласының әкімі М.Бөрібаев, «Қазақмыс» корпорациясы» ЖШС басқарма төрағасы Н.Нүриев қатысты.