Шпагамен семсерлесуден Манамада (Бахрейн) өтетін Әлем кубогі кезеңіне Қазақстан жасөспірімдер құрамасы қатысады, деп хабарлайды Egemen.kz.
Жаһан кубогі осы айдың 17-19 күндері өтеді.
Olympic.kz-тің мәлім етуінше қыздар арасында жүлделер үшін Каролина Фомина, Катрина Фомина, Кристина Красикова, Валерия Мишенина, Айзере Нұрқанова, Арина Яковлева, Наталья Зинякова бақ сынайды.
Ал, ерлер арасында Қазақстан намысын Богдан Лукин, Кирилл Проходов, Нұржан Әбжанов, Георгий Тинников, Нұрмұхаммед Балтабай, Алексей Касаткин, Ансар Қасен, Ғабиден Мұстафин, Владимир Сидоров, Уәлихан Нариман, Жанарбек Жанұзақов қорғайды.