Ақмола облысы аумағындағы автожолдарда 40 блокпост қойылды, онда 228 жүк көлігі және 25 жеңіл көліктер жиналған, деп хабарлайды Egemen.kz.
112 kz мәліметінше департамент базасында мүдделі органдардың қатысуымен жедел штаб ашылды. Түнде жылыту пункттерінде 209 адам, оның ішінде 19 бала орналастырылған. Құтқарушылардың, еріктілердің, жергілікті атқарушы органдардың күшімен жүргізушілер мен жолаушылар блокпосттарда ыстық тамақпен қамтылды.
