WORLD BOXING ұйымы осы жылы Азия чемпионаттары өтетін уақытты белгіледі, деп жазады Egemen.kz.
Биыл барлық жас ерекшеліктерінде ер және әйелдер сыны бірге өткізіледі.
Қазақстан бокс федерациясының хабарлауынша, 15-17 жастағы былғары қолғап шеберлері 17 сәуір - 1 мамыр аралығында Азия чемпионы атағын сарапқа салады. Бұл бәсеке Иорданияның Амман қаласында ұйымдастырылады.
19-22 жастағы спортшылар арасындағы тартыс 20 шілде мен 3 тамыз аралығына бекітілген. Жарыс ұйымдастырылатын ел әзірге анықталмаған.
Ересектер 1 - 15 қазан аралығында Азия чемпионы атану үшін жұдырықтасады. Бұл санаттағы бәсекенің де өтетін орны әлі нақтыланбаған.
