Қазақстан азаматшалары Түркия бағытындағы ұшақта жанжалдасып, төбелес шығарған. Жағдай қатты ушыққаннан кейін экипаж командирі ұшақты қондыруға мәжбүр болған, деп хабарлайды Egemen.kz.
Pegasus Airlines әуе компаниясының Астана-Анталья бағытындағы рейсі шұғыл түрде Түркияның Эрзурум қаласындағы әуежайға қонған. Жанжалға қатысы бар 4 адам ұшақтан түсіріліп, медициналық тексеруден өткен. Кейіннен тараптар қалалық полиция бөлімшесіне жеткізіліп, бір-біріне шағым түсірген.
«Clash Report мәліметі бойынша, оқиғаға байланысты жоспарланбаған қону мен қайта жанармай құю үшін әйел кісілерге 120 мың доллар (54 миллион теңге) айыппұл салынады», делінген хабарламада.
