Діни басқарма бекіткен 2025 жылғы діни күндер кестесіне сәйкес, биыл Рамазан айының алғашқы күні көктемнің бірінші күніне, яғни 1 наурызға сәйкес келеді, деп хабарлайды Egemen.kz.
Кестеге сәйкес биыл ораза 29 күнге созылады.
Рамазан – мұсылманның тән ләззаттарынан уақытша тыйылып, рухани әлеуетін арттыратын қасиетті ай. Бұл айда адамдар құдайға құлшылығын арттырып, ізгі әрекеттерді көптеп жасауы тиіс.
Мүфтият Рамазан айы басталмай тұрып, өткен жылдағы қаза болған ораза күндерін өтеп қойған абзал екенін ескертеді.
