Жұмсақ климаттың арқасында еліміздің оңтүстігінде көктемнің алғашқы жаршысы басқа өңірлерге қарағанда ерте гүлдеді, деп хабарлайды Egemen.kz.
Фотограф әрі гид Тимур Байғұлов бұл табиғи жаңаруды Шымкент дендросаябағында түсіріп алған.
«Бәріңе сәлем, қараңдаршы қандай әдемі! Ақпан айында Шымкентте бәйшешек гүлдеді. Мен қазір дендросаябақтамын, түсірілім жасаймын», деп бөлісті Тимур Байғұлов видеосында.
Бәйшешек – Қазақстанның Қызыл кітабына енген сирек кездесетін көктем гүлдерінің бірі.