Қырғызстанның Талас облысында 28 наурызда Қазақстанда болған жер сілкінісі салдарынан 48 тұрғын үйде жарық пайда болған, деп хабарлайды Egemen.kz.
Төтенше жағдайлар министрлігінің мәліметінше, аудандық азаматтық қорғаныс комиссиясы қабырғаларында жарықша бар 48 тұрғын үйді тіркеген, оның 31-і сақтандырылған, 17-сі сақтандырылмаған.
Естеріңізге сала кетейік, 28 наурызда Қырғызстанның шекаралас аудандарының тұрғындары Қазақстан аумағында болған жер сілкінісін сезген.
