Қарағанды қаласында жеңіл автокөлік жүргізушісі жаяу жүргіншілер жолағына шығып, екі адамды қағып кеткен. Салдарынан бір әйел оқиға орнында қаза тапты, деп хабарлайды Egemen.kz.
Оқиға 31 наурыз күні сағат 23:00 шамасында Бухар-Жырау даңғылында болған. Audi көлігінің жүргізушісі Дюсенбеков көшесіне қарай қозғалып, жылдамдықты асырып, жаяу жүргіншілер жолағына шығып кеткен.
«Жол апатының салдарынан бір әйел қаза тауып, екінші жаяу жүргінші, сондай-ақ көлік жүргізушісі мен жолаушы түрлі жарақаттармен облыстық клиникалық ауруханаға жеткізілді», деп хабарлады облыстық полиция департаментінің тергеу басқармасының бастығы Азамат Ахметов.
Оқиға бойынша қылмыстық іс қозғалып, тергеу амалдары жүргізіліп жатыр.